ព័ត៌មានថ្មីបំផុត


កិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅអនុវត្តបន្ត

កិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅអនុវត្តបន្ត

 

ថ្ងៃសុក្រ ៨រោច ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៥ ខែតុលា ឆ្នាំ២០២៤ លោកស្រី ឧត្តមសេនីយ៍ត្រី ចយ សាវី ប្រធាននាយកដ្ឋាន បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅអនុវត្តបន្ត ត្រួតពិនិត្យឡើងវិញលើការវិភាគមុខងារ និងពិធីប្រកាសសេចក្តីសម្រេចស្ដីពីក្រុមការងារត្រួតពិនិត្យតាមដាន និងវឌ្ឍនភាពប្រព័ន្ធនៃនាយកដ្ឋានបច្ចេកវិទ្យាព័ត៌មានអន្តោប្រវេសន៍ ដោយមានការអញ្ជើញចូលរួមពីសំណាក់លោក​ លោកស្រីឧត្តមសេនីយ៍ វរសេនីយ៍ អនុប្រធាននាយកដ្ឋាន លោក​ លោកស្រី​ កញ្ញា នាយការិយាល័យ និងមន្ត្រីក្រោមឱវាទទាំងអស់​។ 

ជាកិច្ចចាប់ផ្តើម​ លោកស្រីប្រធាននាយកដ្ឋាន​ បានអនុញ្ញាតឱ្យការិយាល័យរដ្ឋបាលសរុបរាយការណ៍លទ្ធផលការងារប្រចាំខែតុលា និងអានសេចក្តីសម្រេចស្ដីពីការបង្កើតក្រុមការងារត្រួតពិនិត្យតាមដាន​ និងវឌ្ឍនភាពប្រព័ន្ធ និងបានអនុញ្ញាតឲ្យមន្ត្រីជំនាញរាយការណ៍ពីបញ្ហាប្រឈម​ នឹងសំណូមពរ។ 

បន្ទាប់ពីស្តាប់ចប់នូវការរាយការណ៍រួចមក​ លោកស្រីប្រធានបានមានមតិបូកសរុប​ និងណែនាំដូចខាងក្រោម÷

-ណែនាំដល់មន្ត្រីដែលជាក្រុមការងារទើបនឹងបង្កើត​ ត្រូវទទួលខុសត្រូវនូវតួនាទីភារកិច្ចរបស់ខ្លួនដែលថ្នាក់ដឹកនាំទើបនឹងប្រគល់ជូន 

-ពង្រឹងការគ្រប់គ្រងវត្តមានប្រចាំថ្ងៃរបស់មន្ត្រី​ និងបូកសរុបបញ្ជីវត្តមានមកការិយាល័យរដ្ឋបាលសរុបជារៀងរាល់ថ្ងៃ 

-តាមដាន​ និងរងចាំឆ្លើយតបនូវរាល់សំនួររបស់អ្នកដំណើរពាក់ព័ន្ធនិងប្រព័ន្ធ Cambodia e-Arrival 

កិច្ចប្រជុំបានបញ្ចប់ទៅប្រកបដោយបរិយាកាសរីករាយ និងស្និទ្ធស្នាលបំផុត។

 

 

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh

 

ទំព័រហ្វេកប៊ុក

កម្រងវីដេអូ