លោកអធិការរងទទួលការងារគ្រប់គ្រងជនបរទេស និងសហការី ចុះសួរសុខទុក្ខ លោកវរសេនីយ៍ត្រី ស៊ីផុន មករា នាយផ្នែកគ្រប់គ្រងជនបរទេស ដែលកំពុងសម្រាកព្យាបាលជម្ងឺ នៅមន្ទីរពេទ្យកាល់ម៉ែត
កំពង់ចាម៖ នៅថ្ងៃទី១៦ ខែធ្នូ ឆ្នាំ២០២០ លោកវរសេនីយ៍ឯក ជា ជួន អធិការនគរបាលស្រុកកងមាស បានចាត់តាំង លោកវរសេនីយ៍ទោ ហេង វណ្ណា អធិការរងទទួលការងារគ្រប់គ្រងជនបរទេស និងសហការី ចុះសួរសុខទុក្ខ លោកវរសេនីយ៍ត្រី ស៊ីផុនមករា នាយផ្នែកគ្រប់គ្រងជនបរទេស ដែលកំពុងសម្រាកព្យាបាលជម្ងឺ នៅមន្ទីរពេទ្យកាល់ម៉ែត។
ក្រុមការងារក៏បាននាំយកអំណោយ របស់លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម លោកអធិការនគរបាលស្រុកកងមាស និងសហការី សរុបថវិកាចំនួន ១,២០០,០០០៛ (១លាន២សែនរៀល)។
នាឱកាសនេះដែរ លោកវរសេនីយ៍ត្រី ស៊ីផុន មករា នាយផ្នែកគ្រប់គ្រងជនបរទេស នៃអធិការដ្ឋាននគរបាលស្រុកកងមាស បានថ្លែងអំណរអគុណចំពោះថ្នាក់ដឹកនាំខេត្ត និងស្រុក ដែលតែងតែយកចិត្តទុកដាក់ ចំពោះមន្រ្តីក្រោមឱវាទ និងសូមគោរជូនពរ លោកឧត្តមសេនីយ៍ស្នងការ លោកអធិការ និងសហការី ជួបតែពរបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡេីយ៕
