អ្នកដំណើរ០៥នាក់ចូលប្រទេសកម្ពុជា តាមច្រកទ្វារព្រំដែនអន្តរជាតិត្រពាំងក្រៀល ដោយអនុវត្តនូវវិធានការក្រសួងសុខាភិបាល
ស្ទឹងត្រែង៖ នៅថ្ងៃទី១១ ខែធ្នូ ឆ្នាំ២០២០ ប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងក្រៀល បានសហការជាមួយ មន្ត្រីចត្តាឡីស័ក ត្រួតពិនិត្យ វាស់កំដៅ និងសម្រួលបែបបទចូលប្រទេស ជូនអ្នកដំណើរចំនួន ០៥នាក់ មាន ពលរដ្ឋខ្មែរចំនួន ០១នាក់ និងជនជាតិចិនចំនួន ០៤នាក់ ដើម្បីធ្វើដំណើរចូលប្រទេសកម្ពុជា។
ដោយយោងតាមគោលការណ៍ របស់ក្រសួងសុខាភិបាល ប៉ុស្តិ៍បានប្រគល់អ្នកដំណើរខាងលើ ជូនមន្ត្រីចត្តាឡីស័ក ដើម្បីគ្រប់គ្រងនិងអនុវត្តនីតិវិធីបន្ត នៅមន្ទីរសុខាភិបាល ខេត្តស្ទឹងត្រែង៕
