អ្នកដំណើរ០៤នាក់ចូលប្រទេស តាមច្រកទ្វារព្រំដែនអន្តរជាតិត្រពាំងស្រែ អនុវត្តតាមការណែនាំរបស់ក្រសួងសុខាភិបាល
ក្រចេះ៖ នៅថ្ងៃទី០៨ ខែធ្នូ ឆ្នាំ២០២០ វេលាម៉ោង ១១និង១៥នាទី ប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងស្រែ បានបំពេញបែបបទ ឲ្យអ្នកដំណើរសញ្ជាតិវៀតណាមចូលប្រទេស មានចំនួន ០៤នាក់។
ដោយយោងតាមសេចក្ដីប្រកាស របស់ក្រសួងសុខាភិបាល ក្រុមការងារចត្តាឡីស័ក បានអនុវត្តវិធានការរបស់ក្រសួងសុខាភិបាលបញ្ជូនយកទៅធ្វើចត្តាឡីស័ក នៅទីស្នាក់ការរបស់ក្រុមហ៊ុន វីខេតធី ស្ថិតនៅភូមិ-ឃុំក្រញូងសែនជ័យ ស្រុកស្នួល ខេត្តក្រចេះ និងក្រោមការគ្រប់គ្រងរបស់មន្ទីរសុខាភិបាល ខេត្តក្រចេះ៕
