តំណាងឯកឧត្ដម ឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ អញ្ជើញដឹកនាំកម្លាំងទៅគោរពវិញ្ញាណក្ខន្ធ សពលោកឧត្តមសេនីយ៍ទោ អ៊ុយ ស៊ីថារ៉ាវុធ អនុប្រធាននាយកដ្ឋាន
ភ្នំពេញ៖ នាថ្ងៃសៅរ៍ ៨កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៧ ខែកក្កដា ឆ្នាំ២០២១ ដោយមានគោលការណ៍ដឹកនាំដ៏ខ្ពង់ខ្ពស់ពី ឯកឧត្ដម នាយឧត្តមសេនីយ៍ អគ្គនាយក អន្តោប្រវេសន៍ ក្រុមការងារនៃអគ្គនាយកដ្ឋានអន្តោប្រវេសន៍ ដឹកនាំដោយ លោកឧត្តមសេនីយ៍ទោ កាំង សាំងហុក អនុប្រធានប្រធាននាយកដ្ឋានច្រកទ្វារទី២ តំណាងឯកឧត្ដម ឧត្តមសេនីយ៍ឯក សារិន សារីណូ ប្រធាននាយកដ្ឋាន បានដឹកនាំកម្លាំងទៅគោរពវិញ្ញាណក្ខន្ធ សពលោកឧត្តមសេនីយ៍ទោ អ៊ុយ ស៊ីថារ៉ាវុធ អនុប្រធាននាយកដ្ឋានច្រកទ្វារទី២។
ក្រុមការងារដែលដឹកនាំដោយលោកឧត្តមសេនីយ៍ទោ កាំង សាំងហុក បាននាំយកថវិកាមួយចំនួនសម្រាប់ចូលបច្ច័យ និងរំលែកទុក្ខដល់គ្រួសារសព ដែលទទួលបាននូវថវិកាមានដូចខាងក្រោម៖
-ថវិកាសមាគមមិត្តនគរបាល ចំនួន ៦លានរៀល
⁃ថវិការបស់អគ្គនាយកអន្តោប្រវេសន៍ ចំនួន ៤លានរៀល
⁃ថវិការបស់ឯកឧត្តម ឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ ចំនួន ២លានរៀល
⁃ថវិកាសាមគ្គីរបស់នាយកដ្ឋានច្រកទ្វារទី២ ចំនួន ៦០ម៉ឺនរៀល សរុបថវិកាចូលរួមរំលែកទុក្ខមាន ១២,៦០០,០០០រៀល៕
