ព័ត៌មានថ្មីបំផុត


ស្វាយរៀង៖ នាថ្ងៃ​សៅរ៍ ០៥កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែកញ្ញា ឆ្នាំ២០២១ ដោយមានគោលការណ៍ដឹកនាំដ៏ខ្ពង់ខ្ពស់​ពី​ ឯកឧត្ដម​ នាយឧត្តមសេនីយ៍​  អគ្គនាយក​អន្តោប្រវេសន៍​ ក្រុមការងារនៃអគ្គនាយកដ្ឋានអន្តោប្រវេសន៍​ ដឹកនាំដោយ លោកឧត្តមសេនីយ៍ទោ គង់ សារី អនុប្រធានប្រធាននាយកដ្ឋាន​ច្រកទ្វារទី២ តំណាងដ៏ខ្ពង់ខ្ពស់​ ឯកឧត្ដម​ ឧត្តមសេនីយ៍ឯក​ ប្រធាននាយកដ្ឋាន​ និងលោកឧត្តមសេនីយ៍ត្រី ប៉ាង ឡេង នាយប៉ុស្តិ៍នគរបាលច្រកទ្វារព្រំដែនអន្តរជាតិព្រៃវល្លិ៍ បានដឹកនាំកម្លាំងទៅគោរពវិញ្ញាណក្ខន្ធ សពលោកវរសេនីយ៍ឯក ឯក សុវណ្ណារ៉ា នាយរងប៉ុស្តិ៍នគរបាលច្រកទ្វារព្រំដែនអន្តរជាតិព្រៃវល្លិ៍។

ក្រុមការងារនៃអគ្គនាយកដ្ឋានអន្តោប្រវេសន៍ បាននាំយកថវិកាមួយចំនួន សម្រាប់ចូលបច្ច័យ​ និងរំលែកទុក្ខ​ ដល់គ្រួសារសព​ ដែលទទួលបាននូវថវិកាមាន ថវិកា​សមាគមមិត្តនគរបាលចំនួន ៦លានរៀល, ថវិការបស់អគ្គនាយកអន្តោប្រវេសន៍​ចំនួនន ៤លានរៀល, ថវិការបស់ឯកឧត្តម​ ឧត្តមសេនីយ៍ឯក​ សារិន​ សារីណូ​ ប្រធាននាយកដ្ឋានច្រកទ្វារទី២ ចំនួន ១លានរៀល និងថវិកាសាមគ្គីរបស់នាយកដ្ឋានច្រកទ្វារទី២   ចំនួន ៦០ម៉ឺនរៀល សរុបថវិកាចូលរួមរំលែកទុក្ខមាន​ចំនួន ១១,៦០០,០០០រៀល៕

អត្ថបទទាក់ទង

ទំព័រហ្វេកប៊ុក

កម្រងវីដេអូ