អ្នកដំណើរ១១នាក់ចូលប្រទេស តាមច្រកទ្វារព្រំដែនអន្តរជាតិត្រពាំងស្រែ ដោយអនុវត្តវិធានការ របស់ក្រសួងសុខាភិបាល
ក្រចេះ៖ នៅថ្ងៃទី១៩ ខែធ្នូ ឆ្នាំ២០២០ វេលាម៉ោង ១៤និង២៥នាទី ប៉ុស្ដិ៍បានបំពេញបែបបទ ឲ្យអ្នកដំណើរសញ្ជាតិវៀតណាម ចូលប្រទេស មានចំនួន ១០នាក់ និងពលរដ្ឋខ្មែរ ០១នាក់។
ដោយយោងតាមសេចក្តីប្រកាស របស់ក្រសួងសុខាភិបាល ក្រុមការងារចត្តាឡីស័ក បានអនុវត្តវិធានការរបស់ក្រសួងសុខាភិបាលបញ្ជូនពលរដ្ឋខ្មែរនិងវៀតណាម យកទៅធ្វើចត្តាឡីស័ក នៅទីស្នាក់ការរបស់ក្រុមហ៊ុន ដុងភូ ស្ថិតនៅភូមិវត្ត សង្កាត់-ក្រុងខេត្តក្រចេះ និងក្រោមការគ្រប់គ្រងរបស់មន្ទីរសុខាភិបាល ខេត្តក្រចេះ៕
