ព័ត៌មានថ្មីបំផុត


កិច្ចប្រជុំត្រួតពិនិត្យលទ្ធផលការងារប្រចាំមករា លើកទិសដៅអនុវត្តបន្ត និងកសាង​ផែនការ​សកម្មភាព​ឆ្នាំ​២០២៥​ របស់នាយកដ្ឋាន​បច្ចេកវិទ្យា​ព័ត៌មាន​អន្តោប្រវេសន៍​

 

ថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥នេះ លោកស្រី​ឧត្ដមសេនីយ៍​ត្រី​ ចយ​ សាវី​ ប្រធាន​នាយដ្ឋាន​បច្ចេកវិទ្យា​ព័ត៌មាន​អន្តោប្រវេសន៍​ អញ្ជើញដឹកនាំកិច្ចប្រជុំត្រួតពិនិត្យលទ្ធផលការងារប្រចាំមករា លើកទិសដៅអនុវត្តបន្ត និងកសាង​ផែនការ​សកម្មភាព​ឆ្នាំ​២០២៥​ របស់នាយកដ្ឋាន ដោយមានការអញ្ជើញចូលរួម ពី​លោក-លោកស្រី​ អនុប្រធាននាយកដ្ឋាន លោក-លោកស្រី នាយការិយាល័យ លោក-លោកស្រី នាយរងការិយាល័យ នាយ-នាយរងផ្នែក និងមន្រ្តីក្រោម​ឱវាទ​។

 

បន្ទាប់ពីស្ដាប់នូវរបាយការណ៍ប្រចាំខែមករា ការិយាល័យរដ្ឋបាលរួចមកលោកស្រី​ឧត្ដមសេនីយ៍​ត្រី​ប្រធាន​នាយដ្ឋាន​ បានមានមតិណែនាំជូនដល់លោក-លោកស្រី អនុប្រធាននាយកដ្ឋាន លោក-លោកស្រីនាយ នាយរងការិយាល័យ ក្នុងការបែងចែកតួនាទីភារកិច្ចការងារ វិន័យ និងអនុវត្តការងារឲ្យបានច្បាស់លាស់ តាមបទបញ្ជាដែលថ្នាក់ដឹកនាំប្រគល់ជូន ព្រមទាំងផ្តល់មតិដឹកនាំដល់ការកសាងផែនការសម្មភាពផងដែរ​។

 

ជាកិច្ចបញ្ចប់ លោកស្រី​ឧត្ដមសេនីយ៍​ត្រី​ បានកោតសរសើរដល់មន្រ្តីក្រោមឱវាទ​ ដែលបានសម្រេចការងារដែលថ្នាក់ដឹកនាំបានដាក់ជូនកន្លងមក។

 

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh

 

ទំព័រហ្វេកប៊ុក

កម្រងវីដេអូ