អគ្គនាយកដ្ឋានអន្តោប្រវេសន៍ -

សម្តែងការស្វាគមន៍ដល់លោក សេនានុព័ន្ធ នៃនាយកដ្ឋានសន្តិសុខផ្ទៃក្នុង ក្រសួងមហាផ្ទៃសាធារណរដ្ឋបារាំងប្រចាំទីក្រុងបាងកក

សម្តែងការស្វាគមន៍ដល់លោក សេនានុព័ន្ធ នៃនាយកដ្ឋានសន្តិសុខផ្ទៃក្នុង ក្រសួងមហាផ្ទៃសាធារណរដ្ឋបារាំងប្រចាំទីក្រុងបាងកក

នាព្រឹកថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥នេះ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ អញ្ជើញទទួលស្វាគមន៍លោក Dumas Éric សេនានុព័ន្ធ នៃនាយកដ្ឋានសន្តិសុខផ្ទៃក្នុង ក្រសួងមហាផ្ទៃសាធារណរដ្ឋបារាំងប្រចាំទីក្រុងបាងកក និងលោកស្រីកុងស៊ុលបារាំងប្រចាំរាជធានីភ្នំពេញ នៅអគ្គនាយកដ្ឋានអន្តោប្រវេសន៍។

ជាកិច្ចចាប់ផ្តើម ឯកឧត្ដម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានសម្តែងការស្វាគមន៍ដល់លោកDumas Éric សេនានុព័ន្ធ នៃនាយកដ្ឋានសន្តិសុខផ្ទៃក្នុង ក្រសួងមហាផ្ទៃសាធារណរដ្ឋបារាំងប្រចាំទីក្រុងបាងកក និងលោកស្រីកុងស៊ុលបារាំង និងបានវាយតម្លៃខ្ពស់ចំពោះកិច្ចសហប្រតិបត្តិការនាពេលកន្លងមក រវាងភាគីបារាំង និងភាគីកម្ពុជា។

ឯកឧត្ដម ឧត្តមសេនីយ៍ឯក អគ្គនាយក ក៏បានថ្លែងអំណរគុណ ដែលតាំងតែជួយក្នុងការរកដោះស្រាយនូវបញ្ហាប្រឈមរបស់ជនបរទេសជនជាតិបារាំងដែលមានបញ្ហាក្នុងព្រះរាជាណាចក្រកម្ពុជានាពេលកន្លងមក។

ជាចុងបញ្ចប់ ឯកឧត្តម ឧត្តមសេនីយ៍ឯក អគ្គនាយក បានធ្វើការថ្លែងអំណរគុណចំពោះកិច្ចសហប្រតិបត្តិការកន្លងមក និងសង្ឃឹមថាអង្គភាពទាំងពីរបន្តកិច្ចសហប្រតិបត្តិការព្រះរាជាណាចក្រកម្ពុជា និងស្ថានទូតបារាំងឱ្យកាន់តែប្រសើរឡើង៕

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh