អគ្គនាយកដ្ឋានអន្តោប្រវេសន៍ -

កិច្ចប្រជុំត្រួតពិនិត្យរបាយការណ៍លទ្ធផលការងារប្រចាំមករា និងដាក់ទិសដៅការងារអនុវត្តបន្ត របស់នាយកដ្ឋានរដ្ឋបាលសរុប

កិច្ចប្រជុំត្រួតពិនិត្យរបាយការណ៍លទ្ធផលការងារប្រចាំមករា និងដាក់ទិសដៅការងារអនុវត្តបន្ត របស់នាយកដ្ឋានរដ្ឋបាលសរុប

អគ្គនាយកដ្ឋានអន្តោប្រវេសន៍ ៖ នារសៀលថ្ងៃអង្គារ ៧កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែកុម្ភៈ ឆ្នាំ២០២៥នេះ ឯកឧត្តម ឧត្តមសេនីយ៍ឯក ណុប វី និងឯកឧត្តម ឧត្តមសេនីយ៍ឯក បណ្ឌិត ណុប នរិន្ទ អគ្គនាយករង ជួយអគ្គនាយកដឹកនាំនាយកដ្ឋានរដ្ឋបាលសរុប អញ្ជើញដឹកនាំកិច្ចប្រជុំត្រួតពិនិត្យរបាយការណ៍លទ្ធផលការងារប្រចាំមករា និងដាក់ទិសដៅការងារអនុវត្តបន្ត របស់នាយកដ្ឋានរដ្ឋបាលសរុប នៃអគ្គនាយកដ្ឋានអន្តោប្រវេសន៍ ដោយមានការអញ្ជើញចូលរួម លោកឧត្តមសេនីយ៍ទោ ទាង សុឃាង ប្រធានាយកដ្ឋានរដ្ឋបាលសរុប លោក-លោកស្រីអនុប្រធានានាយកដ្ឋាន លោក-លោកស្រីនាយការិយាល័យ លោក-លោកស្រីនាយរងការិយាល័យ នាយ-នាយរងផ្នែក និងមន្រ្តីនៃនាយកដ្ឋានរដ្ឋបាល។

បន្ទាប់ពីស្ដាប់នូវរបាយារណ៍ប្រចាំខែមករា ដែលអានលោកស្រី ភឿក ម៉ាឡា នាយការិយាល័យរដ្ឋបាលរួចមក លោកឧត្តមសេនីយ៍ទោ ទាង សុឃាង ប្រធាននាយកដ្ឋានរដ្ឋបាលសរុប បានមានមតិណែនាំជូនដល់លោក លោកស្រី អនុប្រធាននាយកដ្ឋាន លោក លោកស្រីនាយ នាយរងការិយាល័យ ក្នុងការបែងចែកតួនាទីភារកិច្ចការងារ វិន័យ និងអនុវត្តការងារឲ្យបានច្បាស់លាស់ តាមបទបញ្ជាដែលថ្នាក់ដឹកនាំប្រគល់ជូន។

ជាមួយគ្នានេះដែរ ឯកឧត្តម ឧត្តមសេនីយ៍ឯក បណ្ឌិត ណុប នរិន្ទ អគ្គនាយករង ក៏មានប្រសាសន៍ណែនាំមួយចំនួន ក្នុងការសហការ អនុវត្តការងារជំនាញ ព្រោះថានាយកដ្ឋានរដ្ឋបាលសរុប មិនត្រឹមធ្វេីលេីការងារអង្គភាពនោះទេ ក៏បានចូលរួមយ៉ាងលេីការងារជំនាញនៅតាមនាយកដ្ឋានទាំងអស់នៃអគ្គនាយកដ្ឋានអន្តោប្រវេសន៍ផងដែរ និងសូមរួមគ្នាបន្តអនុវត្តការងារឲ្យកាន់តែប្រសទ្ធិភាព។

ក្នុងឱកាសនោះដែរ ឯកឧត្តម ឧត្តមសេនីយ៍ឯក ណុប វី អគ្គនាយករង ក៏បានមានប្រសាសន៍ណែនាំបន្ថែមទៀតផងដែរ លេីការងារឯកសាររដ្ឋបាល ការគ្រប់គ្រងលេីឯកសារចេញ-ចូល។ ឯកឧត្តម អគ្គនាយករង បានមានប្រសាសន៍បន្ថែមទៀត លេីការងារពិធីការ ការងារបណ្ដុះបណ្ដាល ដេីម្បីបង្កេីនសមត្ថភាពជូនដល់មន្ត្រីក្នុងនាយកដ្ឋានឲ្យកាន់តែប្រសើរឡើង។

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh