ព័ត៌មានថ្មីបំផុត


ជួបសម្តែងការគួរសម និងពិភាក្សាការងារ លោកស្រី ប្រធានបេសកកម្មអង្គការអន្តរជាតិទេសន្តរប្រវេសន៍ (IOM) ប្រចាំកម្ពុជា

 

អគ្គនាយកដ្ឋានអន្តោប្រវេសន៍ ៖ នាព្រឹកថ្ងៃអង្គារ ៧កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៤ ខែកុម្ភៈ ឆ្នាំ២០២៥ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានអនុញ្ញាតឲ្យលោកស្រី Nellie GHUSAYNI ប្រធានបេសកកម្មអង្គការអន្តរជាតិទេសន្តរប្រវេសន៍ (IOM) ប្រចាំកម្ពុជា បានធ្វើការជួបសម្តែងការគួរសម និងពិភាក្សាការងារ នៅអគ្គនាយកដ្ឋានអន្តោប្រវេសន៍។ 

 

ឯកឧត្តម ឧត្តមសេនីយ៍ឯក អគ្គនាយកអន្តោប្រវេសន៍ បានជម្រាបទៅកាន់តំណាងអង្គការ IOM អំពីការបន្តកិច្ចសហប្រតិបត្តិការ រវាងអង្គភាពទាំងពីរ លើវិស័យអន្តោប្រវេសន៍ ឲ្យកាន់តែល្អប្រសើរថែមទៀត តាមរយ:ការផ្លាស់ប្តូរបទពិសោធន៍ការងារ និងការផ្តល់វគ្គបណ្តុះបណ្តាលជំនាញ និងជំនួយបច្ចេកទេសផ្សេងៗ ដែលជាតម្រូវចាំបាច់សម្រាប់មន្រ្តីអនុវត្តច្បាប់កម្ពុជា។

 

ឆ្លៀតក្នុងឱកាសនេះផងដែរ លោកស្រី Nellie GHUSAYNI ប្រធានបេសកកម្មអង្គការអន្តរជាតិទេសន្តរប្រវេសន៍ (IOM) ប្រចាំកម្ពុជា ក៏បានថ្លែងអំណរគុណចំពោះការបន្តកិច្ចសហប្រតិបត្តិការ និងការសម្របសម្រួលការងារជាបន្តបន្ទាប់របស់អគ្គនាយកដ្ឋានអន្តោប្រវេសន៍នាពេលកន្លងមក។ លោកស្រីក៏បានលើកឡើងថាអង្គការអន្តរជាតិទេសន្តរប្រវេសន៍ (IOM) នឹងបន្តពង្រឹងកិច្ចសហប្រតិបត្តិការលើការពង្រឹងជំនាញមន្ត្រីអន្តោប្រវេសន៍ តាមរយៈការផ្តល់នូវវគ្គបណ្តុះបណ្តាលបន្ថែមនាពេលខាងមុខ៕

 

 

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh

 

ទំព័រហ្វេកប៊ុក

កម្រងវីដេអូ