ព័ត៌មានថ្មីបំផុត


កិច្ចប្រជុំត្រួតពិនិត្យលទ្ធផលការងារប្រចាំខែវិច្ឆិកា លើកទិសដៅអនុវត្តបន្តរបស់នាយកដ្ឋានបច្ចេកវិទ្យាព័ត៌មានអន្តោប្រវេសន៍

កិច្ចប្រជុំត្រួតពិនិត្យលទ្ធផលការងារប្រចាំខែវិច្ឆិកា លើកទិសដៅអនុវត្តបន្តរបស់នាយកដ្ឋានបច្ចេកវិទ្យាព័ត៌មានអន្តោប្រវេសន៍

 

ថ្ងៃអង្គារ ៣កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែធ្នូ ឆ្នាំ២០២៤ នៅសាលប្រជុំអគ្គនាយកដ្ឋានអន្តោប្រវេសន៍ នាយកដ្ឋានបានបើកកិច្ចប្រជុំត្រួតពិនិត្យលទ្ធផលការងារប្រចាំខែវិច្ឆិកា លើកទិសដៅអនុវត្តបន្ត លោកស្រីឧត្តមសេនីយ៍ត្រី ចយ សាវី ប្រធាននាយកដ្ឋានបច្ចេកវិទ្យាព័ត៌មានអន្តោប្រវេសន៍ ដោយមានការអញ្ជើញចូលរួមពីលោក លោកស្រីអនុប្រធាននាយកដ្ឋាន លោកនាយ នាយរងការិយាល័យ នាយ នាយរងផ្នែក និងមន្ត្រីក្រោមឱវាទទាំងអស់។

 

ជាកិច្ចចាប់ផ្តើម លោកស្រីឧត្តមសេនីយ៍ត្រី ចយ សាវី ប្រធាននាយកដ្ឋាន បានអនុញ្ញាតឱ្យការិយាល័យរដ្ឋបាលសរុបឡើងអានលទ្ធផលការងារប្រចាំខែវិច្ឆិការ ននិងបានអនុញ្ញាតឱ្យលោក-លោកស្រីអនុប្រធាននាយកដ្ឋាន និងលោក លោកស្រី នាយការិយាល័យជំនាញទាំងអស់ ចូលរួមមតិក្នុងការកែតម្រូវរបាយការណ៍​និងរាយការណ៍ពីបញ្ហាប្រឈម។ 

ជាកិច្ចបន្ទាប់ លោកស្រីប្រធានមានប្រសាសន៍បូកសរុប និងលើកទិសដៅការងារអនុវត្តបន្តដូចខាងក្រោម៖

-លោកស្រីប្រធានបានឯកភាពចំពោះរបាយការណ៍និងកោតសសើរចំពោះទម្រង់របាយការណ៍និងណែនាំឱ្យអនុវត្តបន្តឱ្យកាន់តែល្អប្រសើរ។

-បានណែនាំថ្នាក់ដឹកនាំអនុប្រធាននាយកដ្ឋានទាំងអស់ និងមន្ត្រីក្រោមឱវាទទាំងអស់​ ត្រូវសុំអនុញ្ញាតច្បាប់តាមប្រព័ន្ធ e-gdi។

-លោកស្រីប្រធានបានថ្លែងអំណរគុណដល់ថ្នាក់ដឹកនាំក៍ដូចជាមន្រ្តីក្រោមឱវាទដែលខិតខំបំពេញការងារបានល្អកន្លងមក។

-ណែនាំនិងដល់ក្រុមប្រឹក្សាវិន័យរបស់នាយកដ្ឋានដើម្បីពង្រឹងដល់កិច្ចការគោរពវិន័យឱ្យកាន់តែប្រសើរនិងកាន់តែល្អ ។

កិច្ចប្រជុំបានបញ្ចប់ទៅនារសៀលថ្ងៃដដែលក្នុងស្មារតីសោមនស្សរីករាយ និងស្និទស្នាលបំផុត។

 

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh

 

ទំព័រហ្វេកប៊ុក

កម្រងវីដេអូ