អគ្គនាយកដ្ឋាន អន្តោប្រវេសន៍
GENERAL DEPARTMENT OF IMMIGRATION

កិច្ចប្រជុំពិភាក្សាការងារទ្វេភាគីជាមួយ ឯកឧត្តម ឧត្តមសេនីយ៍ឯក អគ្គនាយកអន្តោប្រវេសន៍ថៃ

ទីក្រុងញ៉ាចាង សាធារណរដ្ឋសង្គមនិយមវៀតណាម៖ នារសៀលថ្ងៃអង្គារ ៩កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែសីហា ឆ្នាំ២០២៤ ឆ្លៀតឱកាសក្នុង កិច្ចប្រជុំថ្នាក់អគ្គនាយកអន្តោប្រវេសន៍ និងប្រធានកុងស៊ុលអាស៊ាន លើកទី២៧ (27th DGICM) ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានអញ្ជើញដឹកនាំគណៈប្រតិភូអម នៃអគ្គនាយកដ្ឋានអន្តោប្រវេសន៍ ធ្វើការរៀបចំកិច្ចប្រជុំពិភាក្សាការងារទ្វេភាគីជាមួយ ឯកឧត្តម ឧត្តមសេនីយ៍ឯក ITTHIPHON Itthisanronnachai អគ្គនាយកអន្តោប្រវេសន៍ថៃ និងសហការី លើការងារអន្តោប្រវេសន៍ ជាពិសេសលើការសម្របសម្រួលដំណើរចេញចូលរបស់ប្រជាជនកម្ពុជា ក្នុងឱកាសបុណ្យចូលឆ្នាំខ្មែរ និងបុណ្យភ្ជុំបិណ្ឌ ដែលជាពេលដែលបងប្អូនប្រជាពលរដ្ឋកម្ពុជាសម្រាកពីការងារ និងមាតុភូមិនិវត្តន៍។

តាមរយៈកិច្ចពិភាក្សាការងារនេះ ភាគីទាំងពីរក៏បានធ្វើការចែករំលែកបទពិសោធន៍ការងារអន្តោប្រវេសន៍ សំដៅលើការសម្របសម្រួលនីតិវិធីអន្តោប្រវេសន៍ ការបន្តប្រយុទ្ធប្រឆាំងបទល្មើសឧក្រិដ្ឋកម្មឆ្លងដែន និងដើម្បីបន្តពង្រឹង និងពង្រីកកិច្ចសហប្រតិបត្តិការការងាររវាងអង្គភាពទាំងពីរឱ្យកាន់តែប្រសើរឡើង៕

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh