អគ្គនាយកដ្ឋាន អន្តោប្រវេសន៍
GENERAL DEPARTMENT OF IMMIGRATION

ក្រុមចម្រុះអធិការកិច្ចហត្ថពលកម្មបរទេស ចូលជួបសម្តែងការគួរសមជាមួយឯកឧត្តម អភិបាលខេត្តត្បូងឃ្មុំ

នារសៀលថ្ងៃអង្គារ ៣រោច ខែអាសាឍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៣ ខែកក្កដា ឆ្នាំ២០២៤ លោកឧត្តមសេនីយ៍ទោ ផាន់ រតនៈ តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក អគ្គនាយក នៃអគ្គនាយកដ្ឋានអន្តោប្រវេសន៍ បានដឹកនាំក្រុមចម្រុះអធិការកិច្ចហត្ថពលកម្មបរទេស ចូលជួបសម្តែងការគួរសមជាមួយឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ នៅសាលាខេត្តត្បូងឃ្មុំ ។

ជាកិច្ចចាប់ផ្ដើម ឯកឧត្តម ប៉ែន កុសល្យ អភិបាល នៃគណៈអភិបាលខេត្ត បានថ្លែងអំណរអរគុណ និងចូលរួមសហការណ៍ជាមួយក្រុមចម្រុះអធិការកិច្ចហត្ថពលកម្មបរទេស និងសុំអោយក្រុមការងាររួបរួមគ្នា យោគយល់គ្នា ទាំងលោកប្រធានមន្ទីរការងារ លោកស្នងការរង សូមធ្វើការអោយម៉ឹងម៉ាត់ ប៉ុន្តែទន់ភ្លន់។

ឯកឧត្តមអភិបាលខេត្ត បានបន្តថា ការចុះអនុវត្តច្បាប់ ស្តីពីអន្តោប្រវេសន៍ និងច្បាប់ស្តីពីការងារនេះ គឺជាផ្នែកមួយដ៏សំខាន់ក្នុងការជួយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក្នុងការគ្រប់គ្រងជនបរទេស។ ឯកឧត្តមអភិបាលខេត្ត ក៏សូមឱ្យក្រុមការងារធ្វើរបាយការណ៍ឯកភាពគ្នាជារួម ទាំងថ្នាក់ជាតិ និងថ្នាក់ខេត្ត៕

https://www.tiktok.com/@gdicambodia

https://t.me/GDIOfficial

https://www.facebook.com/GDIOfficial/

www.immigration.gov.kh