ព័ត៌មានថ្មីបំផុត


នារសៀលថ្ងៃពុធ ១១រោច ខែចេត្រ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី២៧ ខែមេសា ឆ្នាំ២០២២ នៅសាលប្រជុំអគ្គនាយកដ្ឋានអន្តោប្រវេសន៍ នាយកដ្ឋានច្រកទ្វារទី២ បានបើកកិច្ចប្រជុំឆ្លងសេចក្តីព្រាងរបាយការណ៍ប្រចាំខែមេសា ឆ្នាំ២០២២ និងលើកទិសដៅអនុវត្តការងារសម្រាប់ខែឧសភា ឆ្នាំ២០២២ របស់នាយកដ្ឋាន ក្រោមអធិបតីភាព ឯកឧត្តម ឧត្តមសេនីយ៍ឯក សារិន សារីណូ ប្រធាននាយកដ្ឋាន ព្រមទាំងមានការចូលរួមពីសំណាក់លោក-លោកស្រីអនុប្រធាននាយកដ្ឋាន លោកនាយ-នាយរងការិយាល័យ នាយផ្នែក-នាយរងផ្នែកចាំបាច់មួយចំនួន។

ជាកិច្ចចាប់ផ្តើម ឯកឧត្តម ឧត្តមសេនីយ៍ឯក ប្រធាននាយកដ្ឋាន មានប្រសាសន៍បើកកិច្ចប្រជុំ ព្រមទាំងបានអនុញ្ញាតឲ្យលោកនាយការិយាល័យរដ្ឋបាលសរុប ឡើងអាននូវសេចក្តីព្រាងរបាយការណ៍ប្រចាំខែមេសា ឆ្នាំ២០២២ និងលើកទិសដៅអនុវត្តការងារសម្រាប់ខែបន្ទាប់ ជូនអង្គប្រជុំជ្រាប។ ក្នុងកិច្ចប្រជុំនោះ ក៏មានការចូលរួមលើកជាសំណូមពរមួយចំនួនរបស់ការិយាល័យជំនាញទាំងពីរផងដែរ។

ឯកឧត្តម ឧត្តមសេនីយ៍ឯក ប្រធាននាយកដ្ឋាន បានដោះស្រាយនូវរាល់សំណូមពរដែលការិយាល័យជំនាញទាំងពីរបានលើកឡើង ព្រមទាំងបានណែនាំការងារជំនាញមួយចំនួន ក៏ដូចជាដាក់ចេញនូវទិសដៅការងារសម្រាប់អនុវត្តបន្តដល់លោក-លោកស្រីអនុប្រធាននាយកដ្ឋាន និងការិយាល័យជំនាញ ដោយត្រូវបន្តពង្រឹងការគ្រប់គ្រងបញ្ជីវត្តមាន និងវិន័យរបស់កងកម្លាំងនគរបាលជាតិឲ្យបានម៉ឺងម៉ាត់។ ទន្ទឹមនឹងនោះ ឯកឧត្តម បានសម្រេចប្រកាសនូវសមាសភាពក្រុមប្រឹក្សាវិន័យថ្មីរបស់នាយកដ្ឋាន ព្រមទាំងបានណែនាំថ្នាក់ដឹកនាំអនុប្រធាននាយកដ្ឋានដែលទទួលបន្ទុកតាមបណ្តាប៉ុស្តិ៍ ត្រូវបន្តតាមដាននូវរាល់ប្រកាស ឬសេចក្តីសម្រេចថ្មីរបស់រាជរដ្ឋាភិបាល ពាក់ព័ន្ធនឹងការចេញ-ចូលប្រទេសជាលក្ខណៈតំបន់នូវជនជាតិវៀតណាម និងបានណែនាំការិយាល័យជំនាញទាំងបី ត្រូវត្រៀមរៀបចំឯកសារតាមបណ្តាឆ្នាំពាក់ព័ន្ធ ឲ្យបានរួចរាល់ ដើម្បីក្រុមការងារសវនកម្មចុះត្រួតពិនិត្យ នាពេលខាងមុខនេះ ៕

អត្ថបទទាក់ទង

ទំព័រហ្វេកប៊ុក

កម្រងវីដេអូ