ឯកឧត្តម នាយឧត្តមសេនីយ៍ ឃុន សំបូរ និងឯកឧត្តម ឧត្តមសេនីយ៍ឯក ឡុង ហាបាណា បានចូលរួមកិច្ចប្រជុំថ្នាក់ឧត្តមមន្ត្រី ពិភាក្សាលើសេចក្តីព្រាងកំណត់ហេតុកិច្ចប្រជុំគណៈកម្មាធិការចម្រុះ នៃកិច្ចសហប្រតិបត្តិការទ្វេភាគីរវាងកម្ពុជា និងថៃ លើកទី១១
នៅថ្ងៃទី១៧ ខែធ្នូ ឆ្នាំ២០២១ ឯកឧត្តម នាយឧត្តមសេនីយ៍ ឃុន សំបូរ និងឯកឧត្តម ឧត្តមសេនីយ៍ឯក ឡុង ហាបាណា អគ្គនាយករង នៃអគ្គនាយកដ្ឋានអន្តោប្រវេសន៍ តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ អគ្គនាយកអន្តោប្រវេសន៍ បានចូលរួមកិច្ចប្រជុំថ្នាក់ឧត្តមមន្ត្រី ពិភាក្សាលើសេចក្តីព្រាងកំណត់ហេតុកិច្ចប្រជុំគណៈកម្មាធិការចម្រុះ នៃកិច្ចសហប្រតិបត្តិការទ្វេភាគីរវាងកម្ពុជា និងថៃ លើកទី១១ ក្រោមអធិបតីភាពដ៏ខ្ពង់ខ្ពស់ លោកជំទាវ បណ្ឌិត សឿង រដ្ឋចាវី រដ្ឋលេខាធិការក្រសួងការបរទេស នៅទីស្តីការក្រសួងការបរទេស ដែលមានការអញ្ជើញចូលរួមពីតំណាងក្រសួងពាក់ព័ន្ធ។
កិច្ចប្រជុំបានផ្តោតសំខាន់ទៅលើសេចក្តីព្រាងកំណត់ហេតុកិច្ចប្រជុំគណៈកម្មាធិការចម្រុះ នៃកិច្ចសហប្រតិបត្តិការទ្វេភាគីរវាងកម្ពុជា និងថៃ លើកទី១១។
ចំពោះកិច្ចប្រជុំថ្នាក់ពេញអង្គ ស្តីពីកិច្ចសហប្រតិបត្តិការទ្វេភាគីរវាងកម្ពុជា និងថៃ លើកទី១១នឹងរៀបចំឡើងនៅថ្ងៃសៅរ៍ទី១៨ ខែធ្នូ ឆ្នាំ២០២១។
