វគ្គ បណ្តុះបណ្តាលដល់មន្ត្រីចំណុះអគ្គនាយកដ្ឋាន ដើម្បីលើកកម្ពស់សមត្ថភាព ស្តីពីការត្រួតពិនិត្យឯកសារធ្វើដំណើរ និងវិភាគផ្ទៃមុខ (វគ្គទី៥)
ភ្នំពេញ៖ នាព្រឹកថ្ងៃពុធ ៩កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៥ ខែកញ្ញា ឆ្នាំ២០២១ ក្រុមការងារបណ្តុះបណ្តាល នៃនាយកដ្ឋានជនបរទេសមិនមែនអន្តោប្រវេសន្ត និងបច្ចេកវិទ្យា បាន បណ្តុះបណ្តាល មន្ត្រីចំណុះអគ្គនាយកដ្ឋានចំនួន ៣៥រូប ដើម្បីលើកកម្ពស់សមត្ថភាព ស្តីពីការត្រួតពិនិត្យឯកសារធ្វើដំណើរ និងវិភាគផ្ទៃមុខ (វគ្គទី៥) ។
វគ្គបណ្តុះបណ្តាលនេះ បង្ហាត់បង្រៀនដោយគ្រូបង្គោលចំនួន ០៣រូប និងវាគ្មិនកិត្តិយសចំនួន ០៣រូប ដែលប្រព្រឹត្តទៅរយៈពេលមួយថ្ងៃ តាមប្រព័ន្ធអនឡាញ (ZOOM) ហើយទទួលបាននូវលទ្ធផលជាផ្លែផ្កា ក្នុងការបំប៉នបន្ថែមនូវចំណេះដឹង និងជំនាញរបស់មន្ត្រីអន្តោប្រវេសន៍ ក្នុងបរិបទនៃជំងឺកូវីដ-១៩៕
