សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន អញ្ជើញទទួលវ៉ាក់សាំងកូវីដ-១៩ ស៊ីណូហ្វាម (Sinopharm) ចំនួន ១០ម៉ឺនដូស ជាជំនួយសមាគមជាតិកាកបាទក្រហមចិន ជូនកាកបាទក្រហមកម្ពុជា
ភ្នំពេញ៖ នាល្ងាចថ្ងៃច័ន្ទ ១៥កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែសីហា ឆ្នាំ២០២១ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម វ៉ាង វិនទៀង ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំកម្ពុជា អញ្ជើញជាអធិបតីភាព ក្នុងពិធីប្រគល់ និងទទួលអំណោយដ៏ថ្លៃថ្លា នូវវ៉ាក់សាំងកូវីដ-១៩ ស៊ីណូហ្វាម SARS-CoV2 (Sinopharm) ចំនួន ១០០.០០០ (ដប់ម៉ឺន) ដូស ជាជំនួយសមាគមជាតិកាកបាទក្រហមចិន ផ្តល់ជូនកាកបាទក្រហមកម្ពុជា ដើម្បីទប់ស្កាត់ការរីករាលដាលនៃជំងឺកូវីដ-១៩៕
