តំណាងឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ នាំយកថវិកាមួយចំនួន សម្រាប់ចូលបច្ច័យ និងរំលែកទុក្ខដល់គ្រួសារសពលោកអនុសេនីយ៍ទោ ប៊ុន សឿន
កំពត៖ នាថ្ងៃទីពុធ ៦រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែកុម្ភៈ ឆ្នាំ២០២១ វេលាម៉ោង ១០និង៣០នាទីដោយមានគោលការណ៍ដឹកនាំដ៏ខ្ពង់ខ្ពស់ពី ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ ក្រុមការងារនៃអគ្គនាយកដ្ឋានអន្តោប្រវេសន៍ ដឹកនាំដោយ លោកឧត្តមសេនីយ៍ទោ កាំង សាំងហុក អនុប្រធាននាយកដ្ឋានច្រកទ្វារទី២ តំណាងឯកឧត្ដម ឧត្តមសេនីយ៍ឯក ប្រធាននាយកដ្ឋាន បានដឹកនាំកម្លាំងចូលរួមគោរពវិញ្ញាណក្ខន្ធសព លោកអនុសេនីយ៍ទោ ប៊ុន សឿននាយរងផ្នែក ប៉ុស្តិ៍នគរបាលច្រកទ្វារព្រំដែនព្រែកចាក ដែលបានទទួលមរណៈភាព កាលពីថ្ងៃទី០១ ខែមករា ឆ្នាំ២០២១។
ក្រុមការងារបាននាំយកថវិកាមួយចំនួន សម្រាប់ចូលបច្ច័យ និងរំលែកទុក្ខដល់គ្រួសារសព ដែលទទួលបាននូវថវិកាមាន ថវិកាសមាគមមិត្តនគរបាលចំនួន ៦លានរៀល, ថវិការបស់អគ្គនាយកអន្តោប្រវេសន៍ចំនួន ៤លានរៀល, ថវិការបស់ឯកឧត្តម ឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ចំនួន ១លានរៀល, ថវិកាសាមគ្គីរបស់នាយកដ្ឋានច្រកទ្វារទី២ចំនួន៦០ម៉ឺនរៀល សរុបថវិកាចូលរួមរំលែកទុក្ខមាន ១១,៦០០,០០០រៀល៕
