អ្នកដំណើរ០៣នាក់បានចាកចេញ និងម្នាក់ទៀតចូលប្រទេសកម្ពុជា តាមច្រកទ្វារព្រំដែនអន្តរជាតិត្រពាំងក្រៀល
ស្ទឹងត្រែង៖ នៅថ្ងៃទី០៤ ខែមករា ឆ្នាំ២០២១ ប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងក្រៀល បានសហការជាមួយ មន្ត្រីចត្តាឡីស័ក ត្រួតពិនិត្យ វាស់កំដៅ និងសម្រួលបែបបទចេញពីប្រទេស ជូនជនជាតិចិនចំនួន ០៣នាក់ ដើម្បីធ្វើដំណើរចេញទៅធ្វើការងារ នៅប្រទេសឡាវ និងពលរដ្ឋខ្មែរចំនួន ០១នាក់ វិលត្រឡប់ចូលប្រទេសកម្ពុជាវិញ។
ដោយយោងតាមគោលការណ៍ របស់ក្រសួងសុខាភិបាល ប៉ុស្តិ៍បានប្រគល់ពលរដ្ឋខ្មែរខាងលើ ជូនមន្ត្រីចត្តាឡីស័ក ដើម្បីគ្រប់គ្រងនិងអនុវត្តនីតិវិធីបន្ត៕
