ប៉ុស្តិ៍នគរបាលច្រកទ្វារព្រំដែនអន្តរជាតិភ្នំដី ទទួលពលរដ្ឋខែ្មរ ០១នាក់ ដែលឆ្លងដែនដោយខុសច្បាប់ ពីសមត្ថកិច្ចថៃ
បាត់ដំបង៖ នៅថ្ងែទី០៤ ខែធ្នូ ឆ្នាំ២០២០ វេលាម៉ោង ១១និង៣០នាទី ប៉ុស្តិ៍នគរបាលច្រកទ្វារព្រំដែនអន្តរជាតិភ្នំដី បានសហការជាមួយសមត្ថកិច្ចថៃ ទទួលពលរដ្ឋខែ្មរចំនួន ០១នាក់ ដែលបានឆ្លងដែនដោយខុសច្បាប់ ទៅរកការងារធ្វើនៅប្រទេសថៃ ដើម្បីត្រឡប់មកប្រទេសកម្ពុជាវិញ។
នគរបាលប៉ុស្តិ៍បានឲ្យដឹងថា ពលរដ្ឋខ្មែរនេះមាន ឈ្មោះ អេល សីហា ភេទប្រុស អាយុ ៣៤ឆ្នាំ មានទីលំនៅបច្ចុប្បន្នភូមិអរជ្រៅ ឃុំអូរជ្រៅ ស្រុកព្រៃនប់ ខេត្តព្រះសីហនុ។
បន្ទាប់មកកម្លាំងនគរបាលប៉ុស្តិ៍ បានសហការជាមួយមន្រ្តីចត្តាឡីស័ក ធ្វើការពិនិត្យកំដៅនឹងស្រង់ព័ត៌មានរបស់គាត់ និងបានធ្វើលិខិតប្រគល់-ទទួល ពលរដ្ឋខាងលើនេះ ឲ្យទៅមន្រ្តីចត្តាឡីស័ក ចប់សព្វគ្រប់នៅវេលាម៉ោង ១២និង០០ នាទី នាថ្ងៃខែឆ្នាំដដែល ដើម្បីអនុវត្តតាមជំនាញបន្ត៕
