គណៈប្រតិភូអគ្គនាយកដ្ឋានថវិកាក្រសួងសេដ្ឋកិច្ច និងហិរញ្ញវត្ថុ អញ្ជេីញចុះត្រួតពិនិត្យប្រព័ន្ធគ្រប់គ្រងCBMS
ក្រចេះ៖ កម្លាំងនគរបាលប៉ុស្តិ៍ច្រកទ្វារព្រំដែនអន្តរជាតិត្រពាំងស្រែ បានទទួលស្វាគមន៍គណៈប្រតិភូដឹកនាំដោយ ឯកឧត្តម នូវ សុខសម្បត្តិ អគ្គនាយករង នៃអគ្គនាយកដ្ឋានថវិកាក្រសួងសេដ្ឋកិច្ច និងហិរញ្ញវត្ថុ, ឯកឧត្តម ហេង ស៊ីនឿន ប្រធាននាយកដ្ឋានហិរញ្ញកិច្ច, ឯកឧត្តម ឧត្តមសេនីយ៍ឯក ងិន បាណាល់ អគ្គនាយករងភស្តុភារ និងហិរញ្ញវត្ថុ, លោកឧត្តមសេនីយ៍ទោ ស៊ុំ ជាពេញចិត្ត អនុប្រធាននាយកដ្ឋានជនបរទេស មិនមែនអន្តោប្រវេសន៍ និងបច្ចេកវិទ្យា, លោកវរសេនីយ៍ទោ នូ សារឿន នាយការិយាល័យ និងសហការី។
នៅរសៀលថ្ងៃទី២៣ ខែមីនា ឆ្នាំ ២០១៩ គណៈប្រតិភូអគ្គនាយកដ្ឋានថវិកាក្រសួងសេដ្ឋកិច្ច និងហិរញ្ញវត្ថុ បានអញ្ជេីញចុះមកត្រួតពិនិត្យជាក់ស្ដែង នូវដំណេីរការប្រព័ន្ធគ្រប់គ្រងត្រួតពិនិត្យព្រំដែនCBMS ព្រមទាំងសាកសួរព័ត៌មាន អំពីភាពងាយស្រួល និងបញ្ហាប្រឈមនៃការប្រេីប្រាស់ប្រព័ន្ធនេះ៕
