កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិបាវិត សហការជាមួយស្ថាប័នចត្តាឡីស័ក សម្រួលបែបបទជូនគណៈប្រតិភូជាន់ខ្ពស់វៀតណាម
នៅថ្ងៃអាទិត្យ ១៥កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ ខែធ្នូ ឆ្នាំ២០២១ នៅវេលាម៉ោង ១២ និង៤០នាទី លោកវរសេនីយ៍ឯក ម៉ម យ៉យ នាយប៉ុស្តិ៍ បានចាត់តាំងកម្លាំងសហការជាមួយស្ថាប័នចត្តាឡីស័ក សម្រួលបែបបទជូនគណៈប្រតិភូជាន់ខ្ពស់វៀតណាម ដឹកនាំដោយ ឯកឧត្តម NGUYEN MINH VU អនុរដ្ឋមន្ត្រី នៃក្រសួងការបរទេស និងជាប្រធានគណៈកម្មាធិការព្រំដែន និងសហការី ចំនួន១២រូប។ មានឯកសារគ្រប់គ្រាន់តាមវិធានរបស់ក្រសួងសុខាភិបាល។ យោងតាមមតិណែនាំរបស់អនុគណៈកម្មការទី២ ខេត្តស្វាយរៀង ក្រុមគ្រូពេទ្យបានធ្វើតេស្តរហ័ស ជាលទ្ធផលអវិជ្ជមានកូវីដ-១៩ ទាំងអស់៕
